Cerita Lucu Si Ucok Celananya Putus Saat Liturgi Natal

Ester Napitupulu | Selasa, 20 Desember 2016 15:12:27

Ilustrasi Natal Sekolah Minggu/FB: Edward Tigor Siahaan
Ilustrasi Natal Sekolah Minggu/FB: Edward Tigor Siahaan

Molo jumpang songonon bulan dua bolas, dimasa Ni Natal pintor terbayang do au tikki kalas 4 SD, di hapogoson ni Dainang i..

Sebelum dapot malam Natal Tgl 25 Desember, maronan ma inongkon di boan ma kopi saotik songon tiga-tigana, laho manuhor baju Natalhu.

Aupe attong hu paburju nakarejo i, marmahan babi, manussi piring, manapu alaman dohot palobuhon manuk.

Tuhoron ni inong do ra annon dohot sipatukku ninna rohangku, sambil hu hapal-hapal liturgi kon sasahali.

Jempet hata dohonon mulak ma inongkon sian onan, pintor husukkun ma inongkon

Kullap : " warna na ahado di Tuhor ho inong bajukki ?"

Inong : " Ee...siappudan, so adong hu tuhor manang na aha amang !,  holan timbaho pulos-pulos ni among mu do ni, miak lampu, dohot gulamo si bollang mata, so sadia tuhorni koppitta i. sabbil tarilu-ilu hubereng inongon au pe laos lungun rohakku. 😢

Dang sadia leleng roma angka dongan, mangajak au laho tu gareja, beta Kullap pahatop i, andigan be ? ganti bajum i, asa lao hita, hubereng halaki massai lasroha , marbaju na baru, dohot marsipatu namar lampu-lampu. Alai speakerna dang adong 😃.

Pittor roma inongkon, painte hamu jolo ibana rappak hamu, pintor dibuat inongon ma salawar ni Abangku, tor hatop hupangke, dang kala semangat au, alai malbas-albas ma, ala pabalga hu.

Tor dibuat Inongon ma BAYON las ditalihon tu gottingki songon ganti ni ikat pinggang. (abagooo yamang pogos nami on hohos pe so tartuhor ni inong kon hudok dibagas rohangku)

Dapot ma acara Liturgi di jou ma goarhu, tor semangat hian au tujolo, jala onma liturgikku tikki i, melegenda do ayat on. jala gogo hian hudok...

DIMULA NI MULANA, DITOPPA DEBATA ( pintor putus bayon i ) hulanjutton do tong alai mar legato LANGIT DOHOT TANO ON. Pintor hulean mic i tudongan ki.